የኬኒያ የፀጥታ ሀይሎች በዌስትጌት ታጋቾችን ለማስለቀቅ ዘመቻ ጀምሩ

በኬኒያ  መዲና ናይሮቢ የፀጥታ ሀይሎች በዌስትጌትየገበያ ማዕከል ውስጥ በአሸባሪ ቡድኑ አልሸባብ ታጣቂዎች ተይዘው የሚገኙ  ታጋቾችን ለማስለቀቅ ዘመቻ ጀምሩ ።
በአሁኑ  ወቅት  የፀጥታ ሀይሎቹ የገበያ ማእከሉን  የወረሩ ሲሆን ፥  ከስፍራውም የተኩስ ድምፅ  እየተሰማ ነው ።

ከ10 እስከ 15 የሚጠጉ የአልሸባብ ታጣቂዎች እስካሁን ከገበያ ማዕከሉ እስካሁን እንዳሉ ነው የተመለከተው።

ፕሬዝዳንት ኡሁሩ ኬኒያታ ጥቃት ፈፃሚዎቹን መንግስታቸው የገቡበት ገብቶ እንደሚይዛቸው ተናግረዋል።

አል ሸባብ  ለጥቃቱ  ሀላፊነቱን እንደሚወስድ አስታውቋል ።

ከከተማዋ  እየወጡ ያሉ ዘገባዎች  እንደሚያመለክቱት  እስካሁን  በሽብር ጥቃቱ 69 ዘጠኝ ሰዎች ተገድለዋል ።

በሶማሊያ  የሚገኘው የኬንያ ወታደራዊ ሀይል ጥቃትን ተከትሎ አልሸባብ በኬንያ ጥቃት ሊያደርስ እንደሚችል ለቢቢሲ መናገሩንም ዘገባው  አስታውሷል።

በደቡብ ሶማሊያ እ.እ.አ ከ2011 ጀምሮ አሸባሪውን አልሸባብ ለመታገል ከ4000 የማያንሱ የኬንያ ወታደራዊ ሀይል አባላት መሰማራታቸውንም ዘገባው አስታውሷል።

የዩኒቨርሲቲና የመሰናዶ መግቢያ ውጤት ይፋ ሆነ

አዲስ አበባ ፣ ነሃሴ 24 ፣ 2005 (ኤፍ.ቢ.ሲ) የትምህርት ሚኒስቴር ወደ ከፍተኛ ትምህርት ተቋማት እና መሰናዶ መግቢያ ውጤትን ዛሬ ይፋ አደረገ።
የዩኒቨርሲቲ መግቢያና ወደ መሰናዶ ማለፊያ ነጥብን ለመወሰን  ፥ የዩኒቨርስቲዎችን ቀጣይ የመቀበል አቅም ከግምት ውስጥ በማስገባት መወሰኑንም ነው ሚኒስቴሩ የገለጸው።
የትምህርት ሚኒስቴር የኮሚዩኒኬሽን ጉዳዮች ዳይሬክተር አቶ ደሳለኝ ሳሙኤል እንዳሉት ፥ ዘንድሮ ወደ ዩኒቨርሲቲ የገቡ ተማሪዎች ቁጥር ከአምናው የ95 554 ብልጫ አሳይቷል።
በዚህም መሰረት 10ኛ ክፍል ተፈትነው ወደ መሰናዶ ለመግባት ፥ ለወንዶች 2.71  እና ከዛ በላይ ለሴቶች 2.29 እና ከዛ በላይ ።
ለሁሉም ክልሎች ማየትና መስማት ለተሳናቸው ፥ 2.14 እና ከዛ በላይ ፤ ልዩ ድጋፍ ለሚሹ ክልሎች ለወንድ 2.29 እና ከዛ በላይ ፣ ለሴት 2.14።
ለግል ተፈታኞች ፤ ለወንድ 2.86 እና ከዛ በላይ ፣ ለሴት 2.29 እና ከዛ በላይ ሆኖ ተወስኗል።
12ኛ ክፍል ተፈትነው ወደ ከፍተኛ የትምህርት ተቋማት 265 መቁረጫ ነጥብ ሆኖ ተወስኗል።
ወደ ዩኒቨርሲቲዎች መግቢያ ነጥብም ፥ በተፈጥሮ ሳይንስ ፤ ወንድ 325 እና ከዛ በላይ እንዲሁም ለሴት 305 እና ከዛ በላይ።
ልዩ ድጋፍ ለሚሹ ክልሎች ወንድ 305 እና ከዛ በላይ ሴት 300 እና ከዛ በላይ መግቢያ ነጥብ ሆኗል።
ለግል ተፈታኞች ወንድ 330 እና ከዛ በላይ ሴት 320 እና ከዛ በላይ መግቢያ ነጥብ ይሆናል።
በማህበራዊ ሳይንስ ወንድ 285 እና ከዛ በላይ ሴት 280 ከዛ በላይ ሲሆን ፥ ልዩ ድጋፍ ለሚሹ ክልሎች ፤ ወንድ 275 እና ከዛ በላይ ሴት 270 እና ከዛ በላይ መግቢያ ነጥብ ሆኖ ተወስኗል።
መስማት ለተሳናቸው 270 እና ከዛ በላይ ሲሆን ፥ ማየት ለተሳናቸው ደግሞ 230 እና ከዛ በላይ መግቢያ ነጥብ ይሆናል።
ለሁሉም የግል ተፈታኞች ደግሞ 290 እና ከዛ በላይ ወደ ከፍተኛ የትምህርት ተቋማት መግቢያ ነጥብ ሆኖ ተወስኗል።
በዚህም መሰረት 265 መቁረጫ ነጥብ ያመጡ ተፈታኞች በመንግስት ዩኒቨርሲቲዎች የማታ እንዲሁም፤  በግል ኮሌጆች እና ከፍትኛ የትምህርት ተቋማት በቀን መርሃ ግብር ትምህርታቸውን መከታተል ይችላሉ።
መንግስት እየተገበረ ያለው 70% በተፈጥሮ ሳይንስና እና 30% ማህበራዊ ሳይንስ እንደተበቀ ሆኖ ፥ በተፈጥሮ ሳይንስ ወደ ከፍተኛ ትምህርት ተቋማት ከገቡ ተማሪዎች መካከል 40.2% በኢንጅነሪንግ ትምህርት እንደሚመደቡም ነው ሚኒስቴሩ ያስታወቀው።
የከፍተኛ ትምህርት ተቋማት ምደባም በቅርቡ ይፋ ይሆናል።
በትእግስት ስለሺ

ፍርድ ቤቱ ኢንተርኮንቲነንታል ሆቴልን ጨምሮ ለሙስና ተጠርጣሪ ንብረቶች ጠባቂ በመሰየሙ ላይ ብይን ሰጠ

ፍርድ ቤቱ ኢንተርኮንቲነንታል ሆቴልን ጨምሮ ለሙስና ተጠርጣሪ ንብረቶች ጠባቂ በመሰየሙ ላይ ብይን ሰጠ

አዲስ አበባ ፣ ሀምሌ 30 ፣ 2005 (ኤፍ ቢ ሲ) የፌደራሉ ከፍተኛ ፍርድቤት ሁለተኛ የወንጀል ችሎት በሙስና ወንጀል ተጠርጥረው በቁጥጥር ስር በዋሉ ግለሰቦች የኩባንያዎቻቸውን ንብረት ጠባቂ ለመሰየም በቀረበለት አቤቱታ ላይ ብይን ሰጠ።

ንብረታቸውን እንዲጠብቅ ወይም እንዲያስተዳድር ገለልተኛ ወገን ይሰየምላቸው የተባሉ ኩባንያዎች ንብረትነቱ የአቶ ስማቸው ከበደ የሆነው የኢንተርኮንቲነንታል ሆቴል እና ዲ ኤች ሲሜክስ ሃላፊነቱ የተወሰነ የግል ማህበር እንዲሁም የአቶ ከተማ ከበደ ንብረት የሆነው ኬኬ ሃላፊነቱ የተወሰነ የግል ማህበር ፣ የአቶ ነጋ ገብረእግዚአብሄር ንብረት የሆኑት ነፃ ሃላፊነቱ የተወሰነ የግል ማህበር እና ባሳፋ ትሬዲንግ ናቸው።
የፌደራሉ ስነ ምግባርና ፀረ ሙስና ኮሚሽን ዓቃቢ ህግና የተጠርጣሪ ጠበቆች በጋራ ተሰማምተው የሚያቀርቧቸው አስተዳዳሪዎችን ፍርድ ቤቱ ለመቀበል ቀጠሮ ሰጥቶ የነበር ቢሆንም ፥ ሁለቱም ወገኖች ተስማምተው አስተዳዳሪ ባለማቅረባቸው ፍርድ ቤቱ ዛሬ በሰጠው ብይን ተስማምተው እስከሚያቀርቡ እስከ መስከረም 22 ቀን 2006 ዓ.ም ድረስ ንብረቱ በነበረበት ሁኔታ ይቆይ በማለት አዟል።

የተጠርጣሪ ተወካዮች እስከ መስከረም 22 ቀን 2006 ዓ.ም ንብረቶች ይባክናሉ ሰራተኞችም ደሞዝ አልተከፈላቸውም የሚሉ ምክንያቶችን አቅርበዋል ለችሎቱ ።

ፍርድ ቤቱ ሁለቱ ወገኖች ተስማምተው ሃሳባቸውን በማመልከቻ ፍርድ ቤቱ በሚፈቅደው አሰራር መሰረት ካመለከቱ ፥ ብይኑ ተሰብሮ የሚታይበት ሁኔታ አለ ብሏል።

የ40/ 60 የጋራ መኖሮያ ቤት ምዝገባ ነሃሴ 6 ይጀመራል

የ40/ 60 የጋራ መኖሪያ ቤት ምዝገባ ነሃሴ 6 የሚጀመር ሲሆን ፥ ምዝገባው  እና የቁጠባ ደብተሩ  እንደ 10/90 እና 20/80  በባንክ ሳይሆን ፤ በአዲስ አበበባ ከተማ በሚገኙ 116 ወረዳዎች የሚካሄድ መሆኑን የኢትዮዽያ ንግድ ባንክ ገለጸ።

አገልግሎቱ በባንክ እንዳይሆን መደረጉ   የእድሉ ተጠቃሚ ለመሆን  ተሰልፈው ጊዜያቸውን እና  ጉልበታቸውን  የሚያባክኑ ተጠቃሚዎችን  ያግዛል ብሏል ባንኩ።

በዚህ በ 40/ 60 የቤት ፕሮግራም ተጠቃሚ  የቤቱን 40 በመቶ  መቆጠቡ በማረጋገጥ ፥  ቀሪውንና 60 በመቶ የሚሆነውን ደግሞ ከባንክ በሚያገኘው ብድር አማካኝነት  የቤት ባለቤት ይሆናል ።

መቆጠቡ ብቻ ሳይሆን ቤት ፈላጊው  በመመሪያው መሰረት ሌሎች መስፈርፈቶችንም ማሟላት የሚጠበቅበት ሲሆን ፥ ከሁለት አመት በላይ በዚሁ በአዲስ  አበባ ከተማ ነዋሪ ሆኖ ፣ እድሜው ከ 18 አመት በላይ ሊሆን ይገባል የሚለው ደግሞ ቀዳሚው መስፈርት ነው።

ፕሮግራሙ የመንግስት ቋሚ ሰራተኞች ሆነው  በከተማው በሚገኙ በማናቸውም ተቋማት ፣ በፌደራል የመንግስት  መስሪያ ቤቶች እና ልማት ድርጅቶች እንዲሁም ፤ በኦሮሚያ ክልልየተለያዩ ቢሮዎች የሚሰሩ ሆነው በአዲስ አበባ ከተማ የሚኖሩትንም ያጠቃልላል።

ከ 18 አመት በላይ ሆነው በውጭ የሚኖሩ ኢትዮዽያውያን ወይም የውጭ ዜግነት ያላቸው ትውልደ ኢትዮጵያውያንም   ከፕሮግራሙ ተጠቃሚ እንዳይሆኑ የሚከለክላቸው አሰራር እንደሌለም ተመልክቷል።

 የአዲስ አበበባ ነዋሪ ሆነው ለሁለት ተከታታይ አመታት በስራ ምክንያትም ይሁን በህክምና እና በሌሎች ሁኔታዎች ከከተማዋ ውጭ የኖሩበትን ህጋዊ ማስረጃ ማቅረብ የሚችሉትም መመዝገብ እንደሚችሉ ባንኩ ለንባብ ያበቃው በራሪ ጽሁፍ ይጠቁማል።

ከነሃሴ 6 እስከ 17,   2005 ለሚካሄደው ለዚህ ፕሮግራም ባንኩ ካለፈው ከ10/90 እና 20/80 ልምድ በመቀመር ፥ አዲስ አሰራር በመዘርጋቱ ፤ ለተሳታፊዎች ቀድሞ ቅጾች እንዲደርሱ ይደረጋል ፤ለዚህም ሲባል ከ8 መቶ ሺህ በላይ ቅጾች መዘጋጀታቸውን ነው የባንኩ የብድር ግምገማ ፖርትፎሊዮ ምክትል ፕሬዝደንት አቶ የኋላ ገሰሰ የገለጹት ።

በ40/ 60 የጋራ መኖሪያ ቤት ለመመዝገብም ለአንድ መኝታ 1 ሺህ 33 ብር የቁጠባ ደብተሩ ሲከፈት የሚከፈል ሲሆን ፥ ከዚያ በላይ እከፍላለለሁ የሚል ደንበኛም መክፈል ይችላል ተብሏል ፤ ባለሁለት መኝታ ቤት እንዲሁ 1 ሺህ 575 ብር ፣ ባለ ሶስት መኝታ ቤት 2 ሺህ 453 ብር ለመጀመሪያ ወር መቆጠብ ግድ ይላል።

ደንበኞች  በየወሩ ለተከታታየ 5 አመታት ለመቆጠብ የሚገደዱ  ሲሆን ፥  ቤቱን ከመረከባቸው በፊት ያሉት  ሁለት አመታት እንደ እፎይታ ጊዜ ተቆጥሮላቸው ፤  በቤቱ ዋጋ ላይ የሚታሰብ የሁለት አመት ወለድ መክፈል ይጠበቅባቸዋል ፤ በዚህ ፕሮግራም 6 መቶ ሺህ የሚጠጉቤት ፈላጊዎች ይሳተፉበታል ተብሎም ተገምቷል።

Source - FanaBC

Betty may Get kicked out of Big Brother Africa

Elikem Kumordzi, one of Ghana’s representatives in the ongoing Big Brother Africa The Chase reality show could be exiting the show come Sunday.

The Ghanaian has found his head on the chopping block after Monday’s nominations session, having received four nominations.

Elikem seemed to be on the lips of some of the Rubies housemates including his onetime crush, Tanzanian, Feza, who said Elikem is not being true to himself and the other housemates.

South African representative Angelo told Big Brother Elikem could not be trusted because he has also been trying to get people to vote for certain people and that did not go down well him.

Botswana’s Oneal also said his reason for nominating the Ghanaian was that he is guilty of being associated with Zimbabwean, Pokello, and that neither one of them can be trusted.

After nominations in the Rubies house Monday, Elikem and Malawian Natasha had four each while Elikem’s new love Pokello had five.

Lovebirds, Sierra Leonean Bolt and Ethiopian Betty are also up for possible eviction in the Diamond house. Bolt had four nominations while Betty had three. Kenyan, Annabel and Tanzanian, Nando had three nominations each.

Ghana's other representative, Selorm (Selly) Ghalley was however lucky as she received only one nomination. Pokello nominated her due to their never-ending feud.

As stipulated in the show’s rules, the Head of House in the two houses has the power to save or replace nominated housemates after the nominations session.

Bassey, Head of House in the Rubies after pondering over the nominated housemates opted to save Pokello and replaced her with Oneal.

Annabel, Head of House in the Diamond House settled on saving herself from possible eviction. She put up Motamma in her place.

This means that at least two of seven nominated housemates - Bolt, Natasha, Oneal, Betty, Elikem and Motamma – will be packing their bags home come Sunday.

Public Opionion on Betty and Bolt-DW.DE | 14.06.2013

Man injured when police tried to shoot Hayna

ኮንዶሚኒየም ፎቅ ላይ የወጣውን ጅብ ለማስወጣት በተከፈተ ተኩስ አንድ ወጣት ቆሰለ

በመስከረም አያሌው
በሐያት ኮንዶሚኒየም ሶስተኛ ፎቅ ላይ ወጥቶ አልወርድም ያለውን ጅብ ለማስወጣት በተተኮሰ ጥይት አንድ ወጣት ቆስሎ ሆስፒታል ገባ።
በህንጻው ላይ የሚኖሩ የአይን እማኞች እንደገለፁት፤ ከትናንት በስቲያ ከምሽቱ አራት ሰዓት ገደማ ወደ ህንጻው በማምራት ሶስተኛ ፎቅ አንድ መኖሪያ ቤት በር ላይ የተኛውን ጅብ ትላንት ለማስወጣት አምስት ጥይቶች ተተኩሰው ጅቡ የተገደለ ሲሆን፤ በአካባቢው የነበረ አንድ ወጣት በነጠረ ጥይት ሆዱ ላይ ተመትቶ ሆስፒታል ገብቷል። ፎቁ ላይ የወጣው ጅብ እስከ ትናንት ከረፋዱ አራት ሰዓት ገደማ ድረስ እዚያው ፎቁ ላይ መቆየቱን የተናገሩት ነዋሪዎቹ ጅቡን እንዳዩት በማስፈራራት ለማስወጣት ቢሞክሩም አልቻሉም። ነዋሪዎቹ ለፖሊስ ስልክ ደውለው ያሳወቁ ሲሆን፤ ፖሊስም “ለአካባቢ ጥበቃ በስልክ ጉዳዩን አሳውቀናል” በማለቱ ጅቡ እዚያው ሊያድር ችሏል።
ጅቡ በህንጻው ላይ እስካለበት ጊዜ ድረስ ፎቁ ላይ የነበሩ ነዋሪዎች ከቤታቸው ሳይወጡ መቆየታቸውን የገለፁ ሲሆን፤ ትናንት ጠዋት ላይም አንዳንድ ወላጆች በዱላ እና በአንዳንድ ነገሮች ጅቡን እየተከላከሉ ልጆቻቸውን ወደ ትምህርት ቤት መላካቸውን ገልፀዋል። ጅቡ በህንፃው ላይ ሌሊቱን ሙሉ በማሳለፉ ከፍተኛ ፍርሃት ውስጥ ሆነው ማደራቸውን የገለፁት የህንጻው ነዋሪዎች፤ ጅቡ ከቦታው እስከተነሳበት ሰዓት ድረስም እንደልባቸው በህንጻው ላይ ለመንቀሳቀስ መቸገራቸውን ገልጸዋል። በህንጻው ላይ እንዲህ አይነቱ ነገር ሲፈጠር ለመጀመሪያ ጊዜ መሆኑን የገለፁት ነዋሪዎቹ፣ በሁኔታው በጣም መደናገጣቸውን ገልጸዋል።
ጅቡ በህንጻው ላይ ሌሊቱን ሙሉ ካሳለፈ በኋላ እስከ ትናንት ረፋድ አራት ሰዓት ድረስ እዚያው የቆየ ሲሆን፤ አራት ሰዓት ተኩል አካባቢ በፖሊስ አማካይነት በአምስት ጥይቶች ተገድሎ ከህንጻው ላይ ሊወርድ ችሏል።n
(ምንጭ፡-ሰንደቅ ጋዜጣ 8ኛ ዓመት ቁጥር 405 ሰኔ 5/2005)

ነባር የ20/80 ቤት ተመዝጋቢዎች ዝርዝር ይፋ ሆነ

የአዲስ አበባ ኮንስትራክሽንና ቤቶች ልማት ቢሮ የቤት ልማትና አስተዳደር ኤጀንሲ ነባር የ20/80 ቤት ተመዝጋቢዎችን ዝርዝር ይፋ አደረገ።

የአዲስ ከተማ ክፍለ ከተማ ተመዝጋቢዎች

የአቃቂ ቃሊቲ ክፍለ ከተማ ተመዝጋቢዎች

የአራዳ ክፍለ ከተማ ተመዝጋቢዎች

የቦሌ ክፍለ ከተማ ተመዝጋቢዎች

የጉለሌ ክፍለ ከተማ ተመዝጋቢዎች

የቂርቆስ ክፍለ ከተማ ተመዝጋቢዎች

የኮልፌ ቀራንዮ ክፍለ ከተማ ተመዝጋቢዎች

የልደታ ክፍለ ከተማ ተመዝጋቢዎች

ንፋስ ስልክ ላፍቶ ክፍለ ከተማ

የየካ ክፍለ ከተማ ተመዝጋቢዎች

የጋራ መኖሪያ ቤቶች ምዝገባ በወረዳና በተመረጡ የመንግስት መስሪያ ቤቶች ይካሄዳል

የጋራ መኖሪያ ቤቶች ፈላጊዎች በወረዳና በተመረጡ የመንግስት መስሪያ ቤቶች ምዝገባ እንደሚያካሄዱ የከተማ ልማትና ኮንስትራክሽን ሚኒስቴር አስታወቀ፡፡
ሚኒስቴር መስሪያ ቤቱ ዛሬ ግንቦት 28/2005 ዓ.ም በሰጠው መግለጫ በአዲስ አበባ በተለያዩ የጋራ መኖሪያ ቤቶች መርሃ ግብር የሚመዘገቡ የከተማዋ ነዋሪዎች በወረዳና በተመረጡ የመንግስት መስሪያ ቤቶች መሆኑን ገልጿል፡፡

ነባር ተመዘጋቢዎች ዳግም እንዲመዘገቡ የተፈለገው መረጃውን ለማጥራትና የቤት ፍላጎታቸውን መቀየር ለሚፈልጉ ለማመቻቸት ነው ብለዋል በሚኒስቴር መስሪያ ቤቱ የመኖሪያ ቤቶች ልማትና የመንግስት ህንጻዎች ኮንስትራክሽን ዘርፍ ሀላፊ አቶ አማረ አስግዶም፡፡

የመንግስት ሰራተኞች 20 በመቶ ቅድሚያ የማግኘት እድል ተሰጥቷቸዋል፡፡ ለመመዝገብ ሲሄዱም የቀበሌ መታወቂያ ከሌላቸው የታደሰ የሰራተኛ መታወቂያ መያዝ እንዳለባቸው አቶ አማረ ተናግረዋል፡፡

በውጭ ሀገር የሚኖሩ ኢትዮጵያውያን በውክልና በ40/60ና በቤቶች ስራ ማህበራት መርሃ ግብር ብቻ መመዝገብ ይችላሉ፡፡

ከሰኔ 3 እስከ ነሐሴ 17/2005 ዓ.ም በ10/90፣ 20/80 አዲስና ነባር፣ በቤቶች ስራ ማህበራትና በ40/60 ቤት ፈላጊዎች ምዝገባ ከ1.3 ሚሊዮን በላይ ቅጾች በአዲስአበባ ቤቶች ልማት ኤጀንሲ መዘጋጀቱን የአዲስ አበባ ከተማ አስተዳደር ቤቶች ልማትና አስተዳደር ኤጀንሲ ዋና ስራ አስኪያጅ አቶ መስፍን መንግስቱ ተናግረዋል፡፡

በከተማዋ የተለያዩ አካባቢዎች ኤጀንሲው ከሚያቀርባቸው የመመዝገቢያ ቅጾች ውጭ ቅጾች እየተሸጡ በመሆኑ ቤት ፈላጊዎች በምዝገባ ወቅት በመመዝገቢያ ወረዳዎች በሚሰጣቸው ቅጾች ብቻ መጠቀም እንዳለባቸው አቶ መስፍን አሳስበዋል፡፡

ቤት ፈላጊዎች ለምዝገባ ከመምጣታቸው በፊት የቁጠባ ሂሳብ በኢትዮጵያ ንግድ ባንክ መክፈት የግድ መሆኑንና በኢትዮጵያ ንግድ ባንክ የሚታየውን መጓተት ለማስተካከልም እየተሰራ መሆኑን ገልጸዋል፡፡

ምዝገባው በከተማዋ በ116 ወረዳዎችና ከ177 በላይ የመንግስት መስሪያ ቤቶች እንደሚከናወን ተገልጿል፡፡

በአዲስ አበባ ከተማ በዚህ የበጀት አመት 95 ሺህ የጋራ መኖሪያ ቤቶች እየተገነቡ ሲሆን 24 ሺህ ቤቶች ተጠናቀዋል፡፡

ከሰኔ 3/2005 ዓ/ም ጀምሮ በሚካሄደው ምዝገባ ከአንድ ነጥብ ሶስት ሚሊየን በላይ ቤትፈላጊዎች ይመዘገባሉ ተብሎ ይጠበቃል ፡፡

ሪፖርተር ፡-አዝመራው ሞሴ

ለቤት ምዝገባ የሚያስፈልገውን የባንክ ሂሳብ ለመክፈት የሚስተዋለውን ሰልፍ ለማቅለል መፍትሄ ማዘጋጀቱን ባንኩ ገለፀ

የ

ኢትዮዽያ ንግድ ባንክ በ10/90 እና በ20/80 የመኖሪያ ቤት መርሃ ግብር መሰረት  ለመመዝገብ የሚያስፈልገውን ዝግ የባንክ ሂሳብ ለመክፈት በየቅርንጫፎቹ እየተስተዋለ ያለውን ሰልፍ ለማቅለል መፍትሄ እያዘጋጀሁ ነው አለ፡፡

ባንኩ  እንዳለው የሚስተዋለውን ረዥም ሰልፍ ለማስቀረት ከሰኞ እስከ ቅዳሜ ከሁለት ሰአት እስከ ምሽቱ 11 ሰአት  የሚካሄደውን ምዝገባ በምሽትም ማድረግና እሁድን ተጨማሪ የስራ ቀን ማድረግም ከመፍትሄዎቹ መካካል ናቸው፡፡

ያም ሆኖ ህብረተሰቡ እስከ ሰኔ 21 ድረስ ዝግ ሂሳቡን መክፈትና ጎን ለጎንም ምዝገባውን በማካሄድ ሰልፉን ማቅለል ይችላልም ተብሏል፡፡

ባንኩ በትናንትናው እለት የቁጠባ ደብተር መስጠት የጀመረ ሲሆን ፥ በእለቱም ከ14 ሺህ የሚበልጡ ሰዎች የቁጠባ ሂሳብ ከፍተዋል፡፡ ይህ ቁጥር እስከዛሬ ረፋድም 40 ሺህ መድረሱን የባንኩ ባለስልጣናት ተናግረዋል፡፡

ከዚህ ቁጥር ውስጥም 2 ሺህ የሚሆኑት ብቻ ለ10/90 ሲመዘገቡ ቀሪዎች ደግሞ 20/80ን ምርጫቸው አድርገዋል ተብሏል፡፡

ሰኞ ለሚጀመረው የቤቶች ምዝገባ ከ4 ሺህ በላይ መዝጋቢ ሰራተኞች የተዘጋጁ ሲሆን ፥ በመብራት መቋረጥ ምክንያት ምዝገባው እንዳይቋረጥም በየምዝገባ ጣቢያዎቹ ጀነሬተሮች ተዘጋጅተዋል፡፡

የ 10/90 የቤት ፕሮግራም ከዚህ በፊት ያልነበረ በመሆኑ ፥ በዚህ የቤት መርሃ ግብር የሚመዘገቡ ነዋሪዎች በሚቀጥለው አመት በሚጠናቀቁት  24 ሺህ ቤቶች ቅድሚያ ተጠቃሚ ይሆናሉ፡፡

በነዚህ የቤት መርሃ ግብሮች የሚመዘገቡ በውጭ የሚኖሩ ኢትዮጵያውያንም በሚገኙበት አገር የገንዝብ ኖት እንዲቆጥቡም በአዲስ አበባ ቤቶች ኤጀንሲ በኩል መልእክት ተላልፏል፡፡

የኢትዮጵያ አየር መንገድ ሰራተኛ ወደቆ ያገኘውን 3.4 ሚሊዮን ብር ለባለቤቱ አስረከበ

የኢትዮጵያ አየር መንገድ ከአንድ መንገደኛ የጠፋ 184 ሺህ ዶላር ወይም ከ3 ሚሊዮን ብር በላይ  ለባለቤቱ አስረከበ፡፡

በኢትዮጵያ አየር መንገድ የጽዳት ስራ የሚሰራው ብርሃኑ ጀምበሩ የተባለው የ21 አመት ወጣት ሥራውን ሲያከናውን የተጠቀለለ እቃ ያገኛል ፥ብርሃኑ ጥቅሉ  ገንዘብ መሆኑን ቢያቅም ለበላይ ኃላፊዎች ማስረከቡን ይናገራል፡፡

የገንዘቡ ባለቤት በኤሌክትሮኒክስ እቃዎች ንግድ የተሰማሩና ዜግነታቸው ጋምቢያዊ የሆነው መንገደኛ ወደ ሆንግ ኮንግ ጉዞ ሲያደርጉ ባለፈው ማክሰኞ ምሽት ነበር በተሳፈሩበት አውሮፕላን ላይ ገንዘባቸውን ረስተው የወረዱት፡፡

ለክፍያ ያዘጋጁት ገንዘብ  ከአንጎላ ዋና ከተማ ሉዋንዳ ተሳፍረው ሆንግኮንግ እስኪደርሱ ድረስም መጥፋቱን  አላወቁም ነበር፡፡ግለሰቡ ገንዘባቸው መጥፋቱን ባወቁ ቅፅበት ግን፥ ለአየር መንገዱ አግባብ ባለው መስመር ገንዘባቸው መጥፋቱን ያሳውቃሉ፡፡

በዚህም በትናንትናው እለት ካሉበት ቦታ መጥተው ገንዘባቸውን ለመረከብ በቅተዋል፡፡በኢትዮጵያ አየር መንገድ ታሪክም ይህን የሚያክል ከፍተኛ ገንዘብ ለባለቤቱ ሲመለስ የአሁኑ ለሁለተኛ ጊዜ ነው ተብሏል፡፡

ኢትዮጵያ 290 ሚሊዮን ብር ያወጣችበትን ግዙፍ የስፖርት ማዕከል አስገንብታ ዛሬ አስመርቃለች::

የኢትዮጵያ ሁለገብ የወጣቶች  ስፖርት አካዳሚ ዛሬ  በይፋ ተመረቀ።
አካዳሚውን በይፋ የመረቁት ጠቅላይ ሚንስትር ሀይለማርያም ደሳለኝ እንዳሉት ፥ የሀገራችን ስፖርት ቀደም ሲል በአብዛኛው በግል ጥረትና ተነሳሽነት እንዲሁም በልምድ በመታገዝ ውጤት እንዲመዘገብ ረድቷል ።
ይሁንና ስፖርቱ ከሚጠይቀው ጥልቅና ሳይንሳዊ መሰረት ካለው አሰለጣጠን አንጻር የማሰልጠኛ ማእከሉ መከፈት ትልቅ አስተዋጽኦ እንዳለው ነው ጠቅላይ ሚኒስትሩ ያመለከቱት።
አቶ ሀይለማርያም በንግግራቸው  የስፖርት ልማት የሰው ሀብት ልማታችን ዋናው አካል ሲሆን ፥ የአገሪቱ የስፖርት እድገትን የሚለካውም በአለም አቀፍ የስፖርት መድረክ በሚመዘገብ ውጤት ብቻ ሳይሆን አጠቃላይ ህብረተሰቡ ስፖርትን ለአካልና ለአእምሮ ጤንነት ማረጋገጫነት በስፋት ሲጠቀምበት ነው ብለዋል።
ከስድስት ዓመት በፊት ግንባታው የተጀመረው ይህ አካዳሚው ከ290 ሚሊየን ብር በላይ ወጪ ተደርጎበታል ተብሏል።
አካዳሚው በውስጡ ስታዲየም ፣ ጂምናዚየም ፣ የመማሪና የመኝታ ክፍሎች ፣አለም አቀፍ ደረጃን ያሟላ የመዋኛ ገንዳ  ያሟላ ሲሆን ፥ ለአገሪቱ የስፖርት እድገት ከፍተኛ አስተዋጽኦ እንደሚኖረው ታምኖበታል ።
የኢፌድሪ ጠቅላይ ሚንስትር አቶ ሀይለማርያም ደሳለኝን ጨምሮ ሌሎች በርካታ ጥሪ የተደረገላቸው እንግዶችም አካዳሚውን ጎብኝተዋል ።

ከረሃብ ለመዳን ጥንዚዛና ምስጥ፣ አንበጣና ጉንዳን ብሉ UN: Eat more insects to fight hunger

ተባበሩት መንግስታት ድርጅት (ዩኤን) ባለፈው ሳምንት ከሮም ከተማ ለአለማችን ረሃብተኞች አንድ ምክርና የምስራች ወሬ አሰራጭቷል። የምስራች ወሬው፣ “እነ ጥንዚዛን በመመገብ ከረሃብ መገላገል ይቻላል” የሚል ነው። በደግነት የለገሰን ምክር ደግሞ፣ ከረሃብ ለመዳን “ነፍሳትን ብሉ” ይላል። ዩኤን ይህን “ምክርና የምስራች” በይፋ ለመላው አለም ያበሰረው፣ የአለም ምግብና እርሻ ድርጅት (ፋኦ) ባዘጋጀው ባለ 200 ገፅ ሰነድ አማካኝነት ነው። የሰነዱ ርዕስ እንዲህ ይላል፣ Edible insects፡ Future prospects for food and feed security። እነ ጉንዳን፣ የመጪው ዘመን የምግብ ዋስት ተስፋዎቻችን እንደሆኑ የሚሰብክ ሰነድ ነው። “ረሃብተኛ ሆኖ ለብዙ አመታት በተመፅዋችነት መቆየት፣ መጨረሻው ውርደት ሆነ? ‘ጥንዚዛ ብላ!’ የሚል የስላቅ ምላሽ የምንሰማበት ደረጃ ላይ ደረስን?” የሚል ጥያቄ የሚፈጠርባቸው የድሃ አገር ሰዎች መኖራቸው የማይቀር ነው። በእርግጥም፣ በርካታ አለማቀፍ የሚዲያ ተቋማት፣ ዜናውን የዘገቡት በስላቅ መንፈስ ነው።
“ዩኤን ለአለማችን ረሃብተኞች አንድ ምክር አለው - በራሪ ነፍሳትን መብላት…” በማለት ነው ያሁ-ኒውስ ዘገባውን የሚጀምረው። የአሶሼትድ ፕሬስ ዘገባም ተመሳሳይ ነው። “የተባበሩት መንግስታት ድርጅት፣ ረሃብን፣ የአለም ሙቀትንና ብክለትን ለመዋጋት አዳዲስ መሳሪያዎችን ታጥቋል” በማለት የሚጀምረው የአሶሼትድ ፕሬስ ዜና፣ የዩኤን መሳሪያዎችን ለማየት ከፈለግን ሩቅ መሄድ እንደማይኖርብን ይገልፃል። አካበቢያችንን ብንቃኝ በቂ ነው። የዩኤን “ዘመናዊ” መሳሪያዎች፣ በሄድንበት ቦታ ሁሉ በዙሪያችን የሚያንዣብቡና አፍንጫችን ስር ሳይቀር “በረራ” የሚያዘወትሩ ናቸው። ይህንን የስላቅ አገላለፅ በማስቀደም አሶሼትድ ፕሬስ ዘገባውን ሲቀጥል… በዩኤን እምነት፣ የአለም ረሃብተኞች የወደፊት ተስፋ በራሪ ነፍሳትን መመገብ እንደሆነ ይገልጻል።
በዩኤን ስር፣ ለረሃብተኞች የእርዳታ እህል በማጓጓዝ የሚታወቀው ፋኦ፣ በራሪ ነፍሳት ለመብል የሚስማሙ መሆናቸውን ሲያስረዳ “በራሪ ነፍሳት በፕሮቲን የበለፀጉ ናቸው” ብሏል። እናም፣ ዩኤን እና ፋኦ፣ ረሃብን ለመከላከል ተስፋቸውን የጣሉት በበራሪ ነፍሳት ላይ ነው። ግን የነፍሳት ጥቅም፣ ከምግብነትም የላቀ እንደሆነ የገለፁት ዩኤንና ፋኦ፣ ለአካባቢ ጥበቃ ግሩም መፍትሄ ይሆንልናል ብለዋል። በሬና ላም፣ በግና ፍየል ብዙ ሳር እየበሉ አካባቢን ያራቁታሉ፤ የተለያዩ የጋዝ አይነቶችን እያመነጩ አካባቢን ይበክላሉ ይላል ዩኤን። ስለዚህ፣ አካባቢን የማያራቁቱና የማይበክሉ በራሪ ነፍሳት፣ ቀለባችሁ ይሁኑ በማለት ምክሩን ለግሷል። 1900 ያህል የነፍሳት ዝርያዎች ለምግብነት ተስማሚ መሆናቸውን ዩኤን ጠቅሶ፣ ጉንዳን፣ ጥንዚዛ፣ አንበጣ፣ ዝንብ፣ ምስጥ፣ አባጨጓሬ እንዲሁም ሌሎች በራሪና ተስፈንጣሪ ነፍሳትን በምሳሌነት ዘርዝሯል። የዩኤን እና የፋኦ መግለጫ፣ በረሃብተኞች ላይ የተሰነዘረ ስላቅ ይመስላል ብለው የሚቆጡ መኖራቸው አይቀርም።

ነገር ግን ብዙም አይገርምም። እድሜ ልክ እርዳታ እየጠበቀ የሚኖር ረሃብተኛ፣ ውሎ አድሮ “ከራበህ ጥንዚዛ ብላ!” የሚል ምላሽ ማግኘቱ የማይቀር ነው። ውርደት ሊመስል ይችላል። ከሁሉም የከፋ ውርደት ግን፣ ራስን ለመቻል አለመጣርና አለመቻል ነው። በሌላ በኩል ደግሞ፣ “ጥንዚዛና ዝንብ ተመገቡ” የሚለው ዘመቻ፣ በየጊዜው የሚያገረሽ የዩኤን እብደት ይመስላል። እናም፣ ለጊዜው ከተወራለት በኋላ፣ ወረቱ ሲያልቅ ተረስቶ ይቀራል ብለን እንገምት ይሆናል። ግን በዋዛ አይረሳም። ባለፉት 10 አመታት ለዘመቻው በጀት ሲመደብለት ቆይቷል። አሁንም ይመደብለታል። ለምን ቢባል… ዩኤንና ፋኦ ምላሽ አላቸው -ነፍሳትን የመመገብ ልምድ እንዲስፋፋና የህዝቡን ግንዛቤ ለማሳደግ (awareness raising) በጀት ይመድባሉ።
ሰነዶችን ለማዘጋጀትና ለማሰራጨት፣ በአባል አገራት የተለያዩ ፕሮጀክቶችን ለማካሄድ፣ አዳዲስ ህጎችንም ለማዘጋጀት ገንዘብ ያወጣሉ። አነስተኛና ጥቃቅን ተቋማት፣ በራሪ ነፍሳትን የማርባት ሥራ እንዲጀምሩም ይደጉማሉ። ዩኤንና ፋኦ፣ ይሄን ሁሉ የሚያደርጉት፣ “ረሃብተኞችን ለመደገፍ” ነው። በሌላ አነጋገር፣ ዩኤንና ፋኦ፣ ብዙ ገንዘብና ሃብት ሳያባክኑበት በፊት፣ “የበራሪ ነፍሳት ፕሮጀክታቸውን” በአጭር ጊዜ እንደዘበት ይረሱታል ተብሎ አይጠበቅም።

በተጠረጠሩባቸው የሙስና ወንጀሎች የታሰሩት አቶ መላኩ ፈንታ መታመማቸው ተገለጸ

46 ኪሎ ግራም ወርቅ ይዘው 100 ሺሕ ብር የተሸለሙት ተጠርጣሪ ልታሰር አይገባም አሉ

‹‹እኔ በመታሰሬ መንግሥትም ፕሮጀክቶችም ይበደላሉ›› አርክቴክት በእግዚአብሔር አለበል

‹‹ለልጄ ወተት መግዣ ብቻ አንድ ሺሕ ብር ይሰጥልኝ››  የበምጫ ትራንዚት ባለቤት 
በተጠረጠሩባቸው የተለያዩ የሙስና ወንጀሎች ግንቦት 2 ቀን 2005 ዓ.ም. ከሰዓት በኋላ በቁጥጥር ሥር ውለው በእስር ላይ የሚገኙት በሚኒስትርነት ማዕረግ የኢትዮጵያ ገቢዎችና ጉምሩክ ባለሥልጣን ዋና ዳይሬክተር አቶ መላኩ ፈንታ መታመማቸውን ጠበቃቸው ግንቦት 16 ቀን 2005 ዓ.ም. ፍርድ ቤት ቀርበው አስታወቁ፡፡

ጠበቃው አቶ መላኩ በአስቸኳይ ሕክምና እንዲደረግላቸው ጠይቀው፣ “እኚህ ሰው በጠና ስለታመሙ የታሪክ ተወቃሽ እንዳንሆን፤” ብለዋል፡፡

የአቶ መላኩን ጤንነት በሚመለከት ጠበቃው በዝርዝር ጠይቀው የሕመማቸው ዓይነትና ደረጃ በምን ሁኔታ ላይ እንደሚገኙ ባይረዱም፣ መልካቸው ቢጫ ሆኖ እንዳዩዋቸው ገልጸዋል፡፡ ለምን እንዳላነጋገሩዋቸው ሲጠየቁ በቂ ጊዜ እንዳልነበራቸው የገለጹት ጠበቃው ከእሳቸውና ከቤተሰቦቻቸው ጋር መገናኘታቸውን፣ ነገር ግን ሆስፒታል ይሂዱ ወይም አይሂዱ አለማወቃቸውንም አስረድተዋል፡፡

በአጃቢ ሆነው ሕክምና እንዲያገኙ ጠበቃው ላነሱት ጥያቄ፣ ስለመታመማቸው የሚገልጽ ማስረጃ ከክሊኒክ ወይም ከሆስፒታል እንደሚያስፈልግ በመግለጽ ያለማስረጃ ትዕዛዝ መስጠት እንደማይቻል ፍርድ ቤቱ አስረድቷል፡፡

አቶ መላኩ መንግሥት የሚያውቀውና በአገር ውስጥ ሕክምና የማይድን ሕመም እንዳለባቸውና በውጭ አገር እየታከሙ እንደነበር፣ ለፍርድ ቤቱ ራሳቸውና ጠበቃቸው ማስረዳታቸው የሚታወስ ነው፡፡

በሌላ በኩል ፍርድ ቤቱ ለግንቦት 15 ቀን 2005 ዓ.ም. ቀጥሮት የነበረውን የእነ አምባውሰገድ አብርሃ የምርመራ መዝገብን ተመልክቷል፡፡ በገቢዎችና ጉምሩክ ባለሥልጣን የናዝሬትና ሚሌ ቅርንጫፍ ሥራ አስኪያጆችን ጨምሮ 11 ተጠርጣሪዎች ቀረጥ በማጭበርበር፣ ክስ በማቋረጥ፣ የኮንትሮባንድ ዕቃ ሳይፈተሽ እንዲያልፍ በማድረግና ተገቢ ያልሆነ ሀብት በማከማቸት የሙስና ወንጀል መጠርጠራቸውን፣ የፌዴራል የሥነ ምግባርና የፀረ ሙስና ኮሚሽን መርማሪ ቡድን ለከፍተኛው ፍርድ ቤት ልደታ ምድብ ስምንተኛ ወንጀል ችሎትና ለተጠርጣሪዎቹ አስረድቷል፡፡

ተጠርጣሪዎቹን በቁጥጥር ሥር ለማዋል የሚያስችለውን የሰነድና የሰው ማስረጃዎችን መሰብሰቡንና ቃል መቀበል መጀመሩን የገለጸው መርማሪ ቡድኑ ቀሪ ሰነድ ማሰባሰብ፣ የምስክሮችን ቃል መቀበልና የተሰበሰቡ ሰነዶችን የመለየት ሥራ እንደሚቀረው በመግለጽ፣ ፍርድ ቤቱ የ14 ቀናት ተጨማሪ የምርመራ ጊዜ እንዲሰጠው ጠይቋል፡፡

አቶ አምባውሰገድ የልብ ሕመምተኛ መሆናቸውን ለፍርድ ቤቱ በማስረዳት፣ መርማሪ ቡድኑ በብርበራ የሚፈልገውን ማስረጃ በመውሰዱና እሳቸውም ሊያጠፉት የሚችሉት ማስረጃ ስለሌለ የዋስትና መብታቸው እንዲከበርላቸው ጠይቀዋል፡፡ አቶ ቃለአብ ዘርአብሩክም የዋስትና መብታቸው እንዲከበርላቸው ጠይቀዋል፡፡ የናዝሬት ጉምሩክ ሥራ አስኪያጅ አቶ ያዴሳ ሚደቅሳ ሥራ ከማስተባበር ውጭ ጣልቃ ገብተው የተጠረጠሩበትን ወንጀል እንዳልፈጸሙና ከተያዙ ሰባት ቀናት እንዳለፋቸው በማሳወቅ፣ የ14 ቀናት ተጨማሪ ጊዜን ተቃውመው የዋስትና መብታቸው እንዲከበር ጠይቀዋል፡፡

በሕገወጥ መንገድ በሕገወጦች ተይዞ የነበረን 46 ኪሎ ግራም ወርቅ በመያዝ ከመንግሥት ምስጋናና 100 ሺሕ ብር ሽልማት ማግኘታቸውን የገለጹት የባለሥልጣኑ ባልደረባ አቶ እሸቱ ግረፍ ናቸው፡፡ በተመሰገኑበት ሥራ ሌላ ነገር ሊሠሩ እንደማይችሉ፣ መርማሪዎችም አሉ የተባሉ ሰነዶችን በብርበራ የወሰዱ በመሆናቸውና የሚቀር ነገር የሌለ በመሆኑ ዋስትና እንዲፈቀድላቸው ጠይቀዋል፡፡

አቶ ጌታሁን ቱጂ፣ አቶ መላኩ ግርማ፣ አቶ አስፋው ሥዩም፣ አቶ ጌታነህ ግደይና አቶ ዮሴፍ አዳዊ የተባሉ የባለሥልጣኑ ሠራተኞች የተጠረጠሩበት ጉዳይ መርማሪ ቡድኑ ካለው ጋር የማይገናኝና የሥራ ድርሻቸውም የማይገናኝ መሆኑን በማስረዳት፣ የዋስትና መብታቸው እንዲከበርላቸው ፍርድ ቤቱን ጠይቀዋል፡፡

አርክቴክት በእግዚአብሔር አለበል መርማሪ ቡድኑ ለፍርድ ቤቱ ያስረዳው የመጠርጠሪያ ድርጊት ከእሳቸው ጋር ምንም የሚያገናኘው ነገር እንደሌለ ገልጸው፣ የመንግሥትና የግል የሆኑ ከ60 በላይ ፕሮጀክቶች እንዳሏቸው በማስረዳት፣ ፕሮጀክቶቹ ከፍተኛ ችግር እያጋጠማቸው በመሆኑ ዋስትና እንዲከበርላቸው ደጋግመው ጠይቀዋል፡፡

የባህር ዳርና የጎንደር ዩኒቨርሲቲዎችን ጨምሮ በርካታ ፕሮጀክቶችን እንደሚያማክሩ የተናገሩት አቶ በእግዚአብሔር፣ ከ131 በላይ ደረጃ አንድ ተቋራጮችን ከማማከራቸውም በተጨማሪ፣ ክፍያ እንዲፈጸምላቸው እሳቸው የሥራውን ጥራት ማረጋገጥ ስላለባቸው ሥራ እየቆመ መሆኑንም ተናግረዋል፡፡ መንግሥትም ሆነ ሠራተኞች እንደሚበደሉ የገለጹት አርክቴክቱ፣ ሰነዶችን በሚመለከት ሁሉም ሰነዶች በመንግሥት መሥሪያ ቤቶች የሚገኙ በመሆናቸው ሊሰውሩና ሊያጠፉ የሚችሉበት አጋጣሚ ስለሌለ፣ እሳቸውን አስሮ ማቆየቱ ምንም ጥቅም እንደሌለው ገልጸዋል፡፡

ሥራ ከሚበላሽና ሠራተኛ ከሚበተን ፍርድ ቤቱ ውክልና ለሌላ ሰው የሚሰጡበትን መንገድ እንዲያመቻችላቸው የጠየቁት አቶ በእግዚአብሔር፣ ከተጠረጠሩበት ወንጀል ጋር ግንኙነት የሌላቸው ሰነዶች እንደተያዙባቸው በመግለጽ እንዲለቀቁላቸው ጠይቀዋል፡፡ ክፍያ የሚፈጽሙት በየዕለቱ ቢሆንም ማህተምና ቼክ ስለተወሰደባቸው የሠራተኞች ደመወዝ፣ የገቢ ግብርና የጡረታ ክፍያ መክፈል አለመቻላቸውንም አስረድተዋል፡፡ አገር እያለሙ መሆኑን በመናገር በዋስ ሆነው ሥራቸውን እየሠሩ ጉዳያቸውን እንዲከታተሉ የጠየቁት አቶ በእግዚአብሔር፣ በመርማሪዎች እንደተነገራቸው ‹‹ሰው ታውቃለህ›› በሚል ብቻ መታሰራቸውን አስረድተዋል፡፡

የችሎቱን ታዳሚዎች ያሳዘነና ከንፈር ከማስመጠጥ አልፎ እንባ እስከ ማፍሰስ ያደረሳቸው የበምጫ ትራንዚት ባለቤት አቶ ዘለቀ ልየው ለፍርድ ቤቱ ያቀረቡት አቤቱታ ነው፡፡ አቶ ዘለቀ የጉምሩክ አስተላላፊ ትራንዚተር መሆናቸውን በጠበቃቸው በኩል ገልጸው፣ በቁጥጥር ሥር ከዋሉ ስድስት ቀናት ቢሆናቸውም እስከ ግንቦት 15 ቀን 2005 ዓ.ም. ቃላቸውን አለመስጠታቸውን ተናግረዋል፡፡ በሕገ መንግሥቱ አንቀጽ 19 (4) መሠረት አንድ በቁጥጥር ሥር የዋለ ዜጋ ቃሉን እንዴት መስጠት እንዳለበት የተቀመጠው ድንጋጌም መጣሱን አመልክተዋል፡፡

ቢሯቸው መታሸጉንና በቢሯቸው ውስጥ ያለው ሰነድ ሳይለይ የሚያስፈልገውም ሆነ የማያስፈልገው ሰነድ አንድ ላይ በመታሸጉ፣ በእሳቸውም ላይ ሆነ በመንግሥት ላይ ጉዳት እንደሚያመጣ ተናግረዋል፡፡ ኤልሲ የተከፈተባቸው፣ ሥራ የተጀመረላቸውና ያልተጀመረላቸው ነጋዴዎች ብሔራዊ ባንክ ሄደው እንዳይጠይቁ መቸገራቸውን፣ ወደ አገር ውስጥ ያልገቡ ዕቃዎች ሰነዶች በሙሉ ስለተቆለፈባቸው ለወደብ የሚከፈለው በዶላር መሆኑንና ተጎጂው አገር ጭምር መሆኑን አስረድተዋል፡፡ የታሸገባቸው ያለፍርድ ቤት ትዕዛዝ በመሆኑ ድርጊቱ ሕገወጥ መሆኑን በመጠቆም እንዲከፈትላቸው ፍርድ ቤቱ ትዕዛዝ እንዲሰጥላቸው ጠበቃቸው ጠይቀዋል፡፡

ሕፃን ልጃቸው እሳቸው ሲያዙ ተመልክቶ እስካሁን በመሳቀቅ ላይ በመሆኑ እንዲያገኛቸው እንዲታዘዝላቸውም አመልክተዋል፡፡ ተጠርጣሪው እንዲናገሩ ጠይቀው ሲፈቀድላቸው እምባ እየተናነቃቸው፣ ‹‹እቤቴ አንድም ብር እንኳን ሳይተው መርማሪዎቹ ሁሉንም ገንዘብ ወስደውታል፡፡ የምጠይቀው ለልጄ ወተት መግዣ ብቻ አንድ ሺሕ ብር እንዲሰጡልኝ ነው፤›› ካሉ በኋላ መናገር አልቻሉም፡፡ የችሎቱ ታዳሚዎችም በተጠርጣሪው ንግግር የተወሰኑት ሲያለቅሱ የተወሰኑት ተክዘው ተስተውሏል፡፡

ተጠርጣሪዎቹ ከተናገሩ በኋላ ምላሽ እንዲሰጥ በፍርድ ቤቱ የታዘዘው መርማሪ ቡድኑ፣ አንዳንድ ጥያቄዎች አስተዳደራዊ ጉዳዮች በመሆናቸው በቢሮ በኩል እንደሚፈቱ ተናግሯል፡፡ የዋስትና መብት ጥያቄን በሚመለከት ጉዳዩ ውስብስብ መሆኑን በመጥቀስ ቢለቀቁ ሰነድ፣ ምስክርና ሌሎች ማስረጃዎችን ሊያጠፉበት እንደሚችሉ በመግለጽ፣ ጥያቄያቸው ውድቅ እንዲደረግና የ14 ቀናት ጊዜ ምርመራ እንደፈቀድለት በድጋሚ ጠይቋል፡፡

ሌላው ፍርድ ቤቱ ችሎቱ ከመጀመሩ በፊት ለመርማሪ ቡድኑ ያነሳው ጥያቄ፣ ተጠርጣሪዎች ሕገ መንግሥታዊ መብታቸው እንዲከበር ያዘዘውን ትዕዛዝ ኮሚሽኑ ተከታትሎ እንዲያስፈጽም ቢታዘዝም፣ ለምን ሳይፈጽም እንደቀረ እንዲያብራራ ነበር፡፡ ኮሚሽኑ የተጠርጣሪዎችን ሕገ መንግሥታዊ መብት መከበር አለመከበር የመከታተል ግዴታ እንዳለበትም ፍርድ ቤቱ አስታውቋል፡፡

መርማሪ ቡድኑ ለፍርድ ቤቱ ጥያቄ ምላሽ እንዲሰጠው ተጠርጣሪዎች በስድስት መዝገብ ተከፋፍለው የሚቀርቡ ናቸው፡፡ ሥራው ውስብስብ በመሆኑና ለብርበራ ተጠርጣሪው ጭምር የሚወጣበት ጊዜ በመኖሩ፣ ከሕግ አማካሪ ጋር የሚገናኙበትን ጊዜ ረቡዕና ዓርብ መደረጉን፣ የጊዜ ቀጠሮ ያላቸውንም በመለየት ከሕግ አማካሪዎቻቸው ጋር እያገናኘ መሆኑን ገልጿል፡፡ ፍርድ ቤቱ በሰጠው ትዕዛዝ መርማሪ ቡድኑ እንዳብራራው ጉዳዩ ውስብስብ መሆኑን ፍርድ ቤቱ መገንዘቡን ገልጾ፣ የተመርማሪዎች ዋስትና ጥያቄን ውድቅ ማድረጉን በማስረዳት ለመርማሪ ቡድኑ የ14 ቀናት ተጨማሪ ጊዜ በመፍቀድ ለግንቦት 26 ቀን 2005 ተለዋጭ ቀጠሮ ሰጥቷል፡፡

ሕገ መንግሥታዊ መብታቸውን ማለትም በቤተሰብ፣ በሕግ አማካሪና በሐኪም የመጎብኘትና የማግኘት መብታቸውን በሚመለከት የማዕከላዊ እስረኛ ኃላፊ ኮማንደር ብርሃኑ አበበ ቀርበው እንዲያስረዱ በታዘዘው መሠረት ኮማንደሩ ግንቦት 16 ቀን 2005 ዓ.ም. አስረድተዋል፡፡

ኮማንደር ብርሃኑ ለፍርድ ቤቱ እንዳስረዱት፣ ሁሉም የሕግ አማካሪዎች ደንበኞቻቸውን አግኝተዋል፡፡ በችሎት የተገኙም የሕግ አማካሪዎች ከአቶ ከተማ ከበደ ጠበቃ በስተቀር ሁሉም መገኘታቸውን መስክረዋል፡፡ ፍርድ ቤቱም ተጠርጣሪዎችና የሕግ አማካሪዎች የተገናኙበት ቀን ሪፖርት እንዲደረግና አቶ ከተማ ከበደን በሚመለከትም ጥብቅ ትዕዛዝ በማስተላለፍ ለግንቦት 19 ቀን 2005 ዓ.ም. ሪፖርት እንዲያደርጉ በድጋሚ አዟል፡፡     

Ethiopian Reporter

 

ለ 40 ቀን 40 ለሊት እንጾማለን ብለው ሚስትን ለሞት ዳረጉ ልጆቹም ከፍተኛ ጉዳት ደርሶባቸዋል

ያለምንም እህል እና ውሃ ጾምን ለ 40 ቀን 40 ለሊት እንጾማለን ብለው ጾማቸውን የጀመሩት የቤተሰብ አባላት ለከፍተኛ ጉዳት እና ለሞት መዳረጋቸውን ያገኘነው መረጃ ያመለክታል ።
በጎተራ ኮንደሚኒየም ውስጥ ይኖሩ የነበሩት እነዚህ ሰዎች በሃገራችን እምነት አንጻር ጾም ጸሎትን እያደረግን አምላክን በጸሎት እናስባለን በማለት ጾማቸውን መጀመራቸው ተገልጾአል ።
ከአዲስ አበባ ዩኒቨርሲቲ የዶክትሬት ዲግሪ ያለው ባል እና ከጂማ ዩኒቨርሲቲ በዶክትሬት ዲግሪ የተመረቀች ሲሆን ።

ባል በባህርዳር በክሊኒክ ይሰራ የነበር ሲሆን ሚስትም በዚሁ የሙያ ስራ ተሰማርታ ወደ  ባህርዳር ማቅናቷ እና የልጆቿን አባት በፍቅር ግንኙነት ጀምራ ወደ ትዳር አለም አብራው እንደዘለቀች እና ሁለት ልጆችን አፍርተው የ9 አመት እና የስድስት አመት ልጆችንም ማፍራታቸው  የሪፖርተራችን ያጠናቅራል ።

ከምግብ እና ከውሃ ተለይተው ለልጆቻቸው ብቻ በጣም ጥቂት ምግብን በመያዝ በቤታቸው ዘግተው ለቀናቶች ሰንብተዋል ።

ሂደቱ ለ25 ቀናት የተጓዘ ሲሆን ባለቤቷ እያበሰለ ለልጆቹ ከሚያቀርበው ምግብ ለራሱ በጥቂቱ የሚቀምስ ሲሆን ለባለቤቱ ሲሰጣት ግን ምንም አይነት ነገር መመገብ አለመቻሏን እና ምንም አያገባህም በማለት ምላሽ ታክል እንደነበር ዘገባው ያመለክታ.

ሆኖም ግን 40ኛ ቀኑ ከመድረሱ አራት ቀን በፊት የእናት የአፍጠረን መለወጥ ያየችው ህጻን ከወላጅ እናቷ ተለይታ  ከታናሽ እህቷ ጋር በሶፋ ላይ መተኛት መጀመሯን እና ከዚያም በመስኮት እራበን ድረሱልን እያለች መጮኋን እና የጎረቤት ልጅ መጥታ በበር ቀዳዳ በተሰጣት ቁልፍ ከፍታ በመግባት ፣ሁለቱ ህጻናቶች ቆዳቸው ተጣብቆ በምግብ ጉዳት ምክንያት ከስተው የተገኙ ሲሆን ባል እራሳቸውን በመሳት በሆስፒታል በህክምና ክትትል ላይ ናቸው ሚስትዬዋ ግን በህይወት ሊተርፉ አለመቻላቸውን ዘገባው አክሎ ጠቁሞአል.

 

በጣና ሃይቅ በደረሰ የጀልባ መገልበጥ አደጋ የአምስት ሰዎች ህይዎት አለፈ

ትናንት ከቁንዝላ ወደ ደልጊ 102 ሰዎችን አሳፋሮ ሲጓዝ የነበረ ጀልባ በመግለበጡ እስካሁን አምስት ሰዎች መሞታቸውን የሰሜን ጎንደር ዞን ፖሊስ መምሪያ አስታወቀ።

ደልጊ መዳረሻ ስፍራ በግምት 150 ሜትር ርቀት ላይ  ፥ ተሳፋሪዎችን ለማውረድ ሲቃረብ  ጀልባው የመገልበጥ አደጋ እንደደረሰበትም ነው የዓይን እማኞች የተናገሩት።

የመምሪያው ሀላፊ ኮማንደር ዘመነ አመሸ ለባልደረባችን ኤልያስ ተክለወልድ እንደነገሩት ፥ የአደጋው መንስኤ እስካሁን በእርግጠኝነት ባይታወቅም  ፤ ተሳፋሪዎቹ ለመውረድ እየተዘጋጁ ሰለነበር በአንድ ስፍራ መከማቸታቸው የሚዛን መዛባት አስክትሎ ለአደጋው ምክንያት ሊሆን ይችላል ተብሏል።

ፋሲለደስ በመባል የምትጠራውን ጀልባ ሲያሽከረክር  የነበረው ካፒቴን በህይወት የተረፈ ሲሆን ፥ ለፖሊስ በሰጠው ቃልም ይህኑኑ አረጋግጧል ነው ያሉት።

በአሁኑ ወቅት ምናልባትም በህይወት የተረፈ ካለ እና ተጨማሪ አስከሬኖችን የማፈላለጉ ስራ ተጠናክሮ ቀጥሏል።

ይህ አይነቱ አስከፊ አደጋ ሲያጋጥም የመጀመሪያው ነው ያሉት ኮማንደር ዘመነ ፥ በቀጣይ ትክክለኛውን መረጃ በማጣራት ምክንያቱን ለህዝብ ይፋ እናደርጋለን ብለዋል።

 (ኤፍ ቢ ሲ)

ቅዳሜ ኢትዮጵያ ከ ሱዳን ጋር ለምታደርገው ጨዋታ የተጫዋቾች ስም ዝርዝር ይፋ ሆነ

አዲስ አበባ

ግንቦት 12 (ኤፍ.ቢ.ሲ) የ አፍሪካ ህብረት የተመሰረተበትን 50 ኛ አመት  ክብረ በአል ምክንያት በማድረግ ኢትዮጵያ ከሱዳን በምታደርገው ጨዋታ ላይ የሚካፈሉ ተጫዋቾችን ስም ዝርዝር የኢትዮጵያ  ብሄራዊ ቡድን አሰልጣኝ ሰውነት ቢሻው ይፋ አደረጉ ፡፡

በዚህም መሰረት የተመረጡት ተጫዋቾች ከ ቅዱስ ጊዮርጊስ ክለብ ደጉ ደበበ ፣አበባው ቡጣቆ፣ቢያድግልኝ ኤልያስ፣አሉላ ግርማ፣ሽመልስ በቀለ ፣አዳነ ግርማ ፣ያሬድ ዝናቡ፣ዮናታን ብርሀነና ተስፋዬ አለባቸው ናቸው ፡፡

ከ ደደቢት ሲሳይ ባንጫ ፣ ስዩም ተስፋዬ ፣ብርሃኑ ቦጋለ፣አይናለም ሃይሉ፣አክሊሉ አየነው ፣አዲስ ህንጻ፣በሃይሉ አሰፋ ፣ጌታነህ ከበደ ፣ምን ያህል ተሾመ ፣ዘነበ ከበደ(አዩካ) ና ዳዊት ፍቃዱ ሲሆኑ ፥

ከ ኢትዮጵያ ቡና ጀማል ጣሰው፣አስቻለው ግርማ ፣ፖክ ጅምስ እና ኤፍሬም አሻሞ፥

ከ መብራት ሃይል አስራት መገርሳ እና መስፍን ወንድሙ፥

ከ መከላከያ ጥላሁን ወልዴ ፥

ከ ኢትዮጵያ መድህን ሳለሃዲን ባርጌቾ፥

ከ ሀዋሳ ከነማ ወንድሜነህ ዘሪሁን፥

ከ ሰበታ ከነማ ደረጀ አለሙ እና ከ ሲዳማ ቡና ደግሞ ሞገስ ታደሰ  ሆነዋል ፡፡

ተጫዋቾቹ ከነገው ግንቦት 13 ማለዳ ጀምሮ በ ፌዴሬሽኑ ጽህፈት ቤት ተገኝተው ሪፖርት እንዲያደርጉም  አሰልጣኙ ጥሪያቸውን አስተላለፈዋል፡፡

የግሉን ዘርፍ በሙስና ወንጀል ተጠያቂ የሚያደርግ አዋጅ ሊወጣ ነው

አዲስ አበባ ፣ግንቦት 10 (ኤፍ.ቢ.ሲ) የፌደራል ስነ ምግባር እና ጸረ ሙስና ኮሚሽን የግሉን  ዘርፍ  በሙስና ወንጀል ተጠያቂ የሚያደርግ አዋጅ  ለመደንገግ በወጣው ረቂቅ አዋጅ ላይ ከህብረተሰቡ እና ከባለድርሻ አካላት ጋር ዛሬ በአዲስ አበባ መክሯል።

አዋጁ ህዝባዊ ድርጅቶች ናቸው ተብለው በሚታሰቡ የበጎ አድራጎት ድርጅቶች  በግል ኩባንያዎች  እና በአክሲዮን ማህበራት ውስጥ የሚፈፀሙ የሙስና የወንጀል ድርጊቶችን  ተጠያቂ የሚያደርግ አንቀፅ ተካቶበታል ።

ይህም የዳይሬክተሮች ቦርድ አባል ወይንም የአክሲዮን ማህበርን ወይንም የበጎ አድራጎት ድርጅቶችን በሚያደራጅ ሰው ወይም ኮሚቴ በድርጅቱ ውስጥ በማስፈፀም ሂደት የህዝብ ሃብት እንዳይባክን ለመከላከልም የሚያስችል  ነው ተብሏል። 

በእነዚህ የህዝብ ድርጅቶች ውስጥ የተቀጠሩ ቋሚና ጊዜያዊ ተራ ሰራተኞችም ቢሆኑ በሙስና ወንጀል ውስጥ ከተገኙ ህጉ ተፈፃሚ ይሆንባቸዋል ።

በሚስጢር ሊጠበቁ የሚገቡ የካዝና የመጋዘን ወይም ውድ እቃ የሚቀመጥባቸው የመሳሰሉ ሳጥኖችን ቁልፎች ሆን ብሎ ወይንም በቸልተኝነት ለሌላ ሰው  አሳልፎ በመስጠት ድርጅቶች እንዲመዘበሩ ያደረጉ ሰራተኞችን ለመቅጣትም  በአዋጁ ጠንካራ ድንጋጌዎች እንዲካተቱበት ተደርጓል።

የአዋጁ መውጣትም በእነዚህ የህዝብ ድርጅቶች ላይ የሚታዩ ብልሹ አሰራሮችን በማስተካከል ህጋዊ መስመርን ተከትለው እንዲተዳደሩ ያግዛልም ተብሎ ታስቧል።

በ ታደሰ ብዙዓለም ።

       

ሶሪያውያን እናቶች በሴት ልጆቻቸው ላይ ጨክነዋል

በሶሪያ መላ የታጣለትን የእርስበርስ ጦርነት በመሸሽ ወደ ዮርዳኖስ የተሰደዱ እናቶች፣ ህይወት ፈተና ሆኖባቸው ሴት ልጆቻቸውን “ለጊዜያዊ ትዳር” እየሸጡ ነው፡፡ ስደተኛ ወላጆች በሴት ልጆቻቸው ላይ መጨከን እንደጀመሩ የዘገበው ሲኤስ፣ ኑሮን ለመግፋት የሚያስችላቸው ብቸኛ አማራጭ ሆኖ ያገኙት ሴት ልጆቻቸውን በሺዎች በሚቆጠሩ ዶላሮች ለጋብቻ መሸጥ ነው፡፡ ከዮርዳኖስም ሆነ በሌሎች የመካከለኛው ምስራቅ አገራት ጋብቻ ፈላጊ ወንዶች ለሴቷ ቤተሰቦች ገንዘብ የሚሰጡበት ባህል አለ፡፡ ይሄም ሆኖ ግን የሰሞኑ የዮርዳኖስ ስደተኛ ካምፖች “የጋብቻ ገበያ”፣ እርግጥም ወንዶች ሴቶችን ለዘላቂ ትዳር የሚገዙበት አይደለም፡፡ አብዛኛዎቹ “ትዳሮች” ከሳምንታት የዘለቀ ዕድሜ እንደማይኖራቸው የገለፀው ዘገባው፤ ይልቁንም “የወሲብ ገበያ” ሊባል የሚችል መሆኑን አስረድቷል፡፡

ይህንን የሴት ልጆች ሽያጭ ከሚያቀላጥፉትና ራሳቸውን “የጋብቻ ደላላ” ብለው ከሚጠሩት መካከል ሶሪያዊቷ ስደተኛ ኡም ማጄጅ አንዷ ናት፡፡ ኡም ማጄድ ከሰሞኑ እየጦፈ በመጣው የስደተኛ ልጃገረዶች ሽያጭ ገበያ ፋታ አጥታለች፡፡ የሞባይል ስልኳ በገዢዎች ጥሪ ተጨናንቋል፡፡ ኡም ማጄድ ከወላጆች ጋር በመነጋገር ለሽያጭ ከምታቀርባቸው ሴቶች ጠቀም ያለ ኮሚሽን ታገኛለች፡፡ ክብረ ንጽህናዋ ያልተገረሰሰ ልጃገረድ በሰሞኑ ገበያ እስከ 5ሺህ ዶላር ታወጣለች፡፡ አያ የተባለችዋ የ17 አመቷ ሶሪያዊት ስደተኛ አያ፤ ከቤተሰቦቿ ጋር በስደት ወደ ዮርዳኖስ ከመጣች አንድ አመት ያህል ሆኗታል፡፡

ይሄም ሆኖ ግን የስደት ኑሮ ለእሷም ሆነ ለቤተሰቧ አሳር ሲሆንባቸው፣ ብቸኛውን አማራጭ ለመውሰድ ተገደዱ፡፡ አያ ለ70 አመት ሳኡዲ አረቢያዊ “ትዳር ፈላጊ” ሽማግሌ በ3ሺህ 500 ዶላር ተሸጠች፡፡ ትዳር ፈላጊው ሽማግሌ ግን ከሙሽሪት አያ ጋር የመሰረተውን ትዳር ለማፍረስ የፈጀበት የአንድ ወር ጊዜ ብቻ ነበር፡፡ “ከእሱ ጋር ያሳለፍኩት አንድ አመት ልክ እንደ አስፈሪ ቅዠት ነበር፡፡ ግማሹን ወር በመራር ለቅሶ ነው ያሳለፍኩት፡፡ ከቤተሰቦቼ ጋር እንድገናኝና እንዳወራ አይፈቅድልኝም ነበር፡፡ ምርጫ አልነበረኝምና በሰቀቀን ነበር የምኖረው” ብላለች - አያ ስለ ሽያጩ ትዳሯ ስትናገር፡፡

እንዲህ ለጋ ልጃገረዶችን ለገበያ አቅርባ የምታሻሽጠው ኡም ማጄድ እየሰራችው ስላለችው ነገር ሃፍረትም ሆነ ፀፀት አይሰማትም፡፡ “መኖር የምችልበት ብቸኛው መንገድ ይህ “ስራ” ነው፡፡ ሶሪያውያን ስደተኞች በዮርዳኖስ ሌላ ስራ መስራትና ገቢ ማግኘት አንችልም፡፡ ስለዚህ ምን ማድረግ እንችላለን?...እንስረቅ?...እንግደል?” ትላለች ማጄድ፡፡ የሚገርመው ግን “አንቺስ የ13 አመት ልጃገረድ ልጅሽን ለመሸጥ ትፈቅጃለሽ?” ለሚለው የጋዜጠኞች ጥያቄ የሰጠችው መልስ ነው፡፡ “በፍፁም አላደርገውም!... ልጆቼን ከምሸጥ አይኖቼን አውጥቼ ብሸጣቸው እመርጣለሁ!” ነው ያለችው ማጄድ፡፡

ከሽሮ ችርቻሮ ወደ ባለአምስት ኮከብ ሆቴል ባለንብረትነት ተሸጋገሩ

ከ200 ሚሊዮን ብር በሚበልጥ ወጪ የተሠራው ሆቴላቸው ቅዳሜ ይመረቃል
በደቡብ ክልል ሐዋሳ ከተማ አንዲት ወይዘሮ ከሽሮ ችርቻሮ ሸያጭ ተነስተው በ200 ሚሊዮን ብር ወጪ ያሠሩት ባለአምስት ኮከብ ሆቴል፣ የፊታችን ቅዳሜ ተመርቆ አገልግሎት መስጠት ይጀምራል ተብሎ ይጠበቃል፡፡

የሆቴሉ ቃል አቀባይ በተለይ ለሪፖርተር እንደገለጹት፣ ወይዘሮ አማረች ዘለቀ የተባሉ የአምስት ወንዶች ልጆች እናት ያሠሩት ይኼው ሆቴል፣ የተለያዩ ደረጃዎች ያሉዋቸው 70 የመኝታ ክፍሎች ሲኖሩት በደቡብ ክልል በዓይነቱ የመጀመርያው ነው ተብሏል፡፡


ሆቴሉ ባለ አሥር ፎቅ መንታ ሕንፃዎች ሲኖሩት፣ ከ250 በላይ ለሚሆኑ የአካባቢው ሰዎች የሥራ ዕድል መፍጠሩን ከቃል አቀባዩ ማብራሪያ ለመረዳት ተችሏል፡፡
ወይዘሮ አማረች እዚህ ደረጃ ላይ ሊደርሱ የቻሉት ባለቤታቸው ከዚህ ዓለም በሞት ሲለዩ እጃቸው ላይ በነበረው የአስቤዛ ገንዘብ ሽሮ ገዝተው በችርቻሮ መሸጥ በመጀመራቸው መሆኑ ታውቋል፡፡ ይህ ዓይነቱ እንቅስቃሴያቸው ከጥቂት ዓመታት በኋላ እየጐለበተ መጥቶ በመሐል ሐዋሳ ላይ “ሴንትራል” የሚል መጠሪያ ያለው አንድ መለስተኛ ሆቴል አቋቁመዋል፡፡ በዚህም ሳይገቱ ይህንኑ መለስተኛ ሆቴላቸውን ወደ ባለአምስት ኮከብ ሆቴል ለማሳደግ መብቃታቸውን ቃል አቀባዩ አስረድተዋል፡፡